لوح وطبشورة...بقلم الشاعرة فاطمة البلطجي
لوح وطبشورة
بشوف السما لوح أسود
والنجمة عالخصر طبشورة
إمسكها بإصبعين
متل الجفن والعين
وبخطوط منسّقة
إرسمك بأجمل صورة
والناس تطلّع فيك
و بحسنك مبهورة
هيدا القمر تخمين
والا بجبل صنّين
شي قصّة منشورة
خايفة تتلج الدني
بليلة من كوانين
وتتغيّر الصورة
وحبيبي المن سنين
دوّر ما بعرف وين
بشي رواية بلاقيه
او بحكاية مسطورة
وإصحى تلاقي حالي
عاللوح طبشورة
ولا في سما ولا ليل
ولا نجمة مأسورة
ومن حلمي أوعى وما أوعى
متل من كاس مخمورة
وإغفى عتاني ميل
عصدر أرزة بلبنان محصورة
بنص العلم والعين
وبالأرض محفورة
دخلك حبيبي وين
ويردّ الصدى جايي أنا
عبساط جنّية مسحورة
واخدك معي بهالليل
برحلة فيها اتنين
لاخر المعمورة
ونقطف من كرم الهوى
عناقيد معصورة
ويحكو علينا حكايات
بالكتب مشهورة
فاطمة البلطجي
لبنان /صيدا
تعليقات
إرسال تعليق