ثيابك ورد.. بقلم الشاعر/د. علي مسلم عجمي
( ثيابك ورد ) للشاعر د. علي مسلم عجمي
------------------
ثَنَـائي بالعِشِق كوني غزيره
ثواب العِشق للعاشق مصيره
ثمنها بالهوى يزيد التواصل
ثماني من ثماني بالمسيره
ثِقـي بيناتنا ما في فواصل
ثقافتها بمحبتنا جديره
ثَـرِيـّة ما حدا بالكون حاصل
ثَـراها بس إلي الورد و عبيره
ثابت مكاني أبد ما رح زحزحو
ثانية..حبك بقلبي مطرحو
ثمرة هوانا بالمحبة مسيجي
ثريا و حواليها النجوم بيسرحو
ثروة علاقتنا غرام متوجي
ثلجها نار بلقانا مسيحو
ثقة موجودة كبيرة و هايجي
ثورة بحر موجات فيه بيسبحو
ثعالب الحسَّاد ما بتقدر تجي
ثرثرة و شو ما حكوا ما بيفلحو
ثيابك ورد و اللون زهر بنفسجي
ثقلها فراشات حولها بيمرحو
ثغرك.بلابل عند ما تتغنجي
ثلثين و الثلث اللي باقي بيصدحو
ثم لو طفيوا محبة مأججي
ثمن عمري و سبع أثمانو انمحو
ثالث و أول حرف بائك ضايجي
ثاني و رابع حرف حاؤ كرسحو
ثوري بحبك غيرها ما بترتجي
ثقب إبرة صعب فيها يقدحو
ثانوية كيف أصلي و منهجي
ثعابينهم لدغاتها ما بيجرحو
ثأر ما إلها و دوافع محرجي
ثغرة بعلاقتنا ما فيهم يفتحو
الشاعر د. علي مسلم عجمي
لبنان
تعليقات
إرسال تعليق