الست الشقيانة.. بقلم الشاعر/عصام السعدني

 ( الست الشقيانة )

صباح نَوَّر على الشقيانة من بدري...

ولاجل الرزق بتعافر تقوم تجري...

تصلي الفجر تتوكل...

مفيش يوم تنسى وتأجل...

ولو تعبت في يوم تنزل...

فمين لولادها هيأكل...

ما ترتاحي بقى ياحاجة...

وكفياكي شقى وغربة..

مع الأوجاع...

كفايا العمر منك ضاع ...

ترد وهيا مبتسمة...

ولو عيل تعب أو.. جاع..

اجيبله منين.. وأنا قاعدة..

في قلب الدار؟؟

بلا قلبة دماغ وبتاع. 

وكيف البت تتجوز!!!

وتتستر في دي الأيام؟؟

وكيف الوِلْد هَيْكَمِل...

 يا سيدي علام...

وتبقى دماغه مرفوعة...

ووسط زمايله زين وتمام...

وأجيب من فين دوا لسندي...

عايز تعرف علاجه بكام...

أقولك سيبني في مراري...

وَرَوَّحْ نام.

بقلم..

عصام السعدني..