يالي مستني أني اسامحك.. بقلم الشاعر/أسامة جديانه
ياللي مستني
اني أسامحك
مش هسامحك
وآجي واترجاك وأطلب
تاني ودك
لأ دا بعدك
تبقى آسي
تبقى ناسي
شوفي عندك
عمري ما همد لك إيدي
وارجع واحايلك
أنا سامحتك كتير كتير
و أقول و مالو
سقت كتير
في الدلع
ساء في دلالو
و اسامحك علشان بحبك
كنت أحس أنك بتغير
أراعي شعورك
يوم ما تتعب
قلبى يتعب
وأقول ياريتني
أنا بدالك
لكن تهجرني و تبعد
وتعيش لحالك
طب عايزني ازاى أسامحك
و قلبي ناسي ملامحك
كنت دايما أفرح لفرحك
كنت بانجرح لجرحك
لكن تبعد مش هسامحك
ما انت طولت في بعادك
كل ده علشان عنادك
بس مش هارحم فؤادك
يوم واسامحك
الدلال لو زاد شويه
نتيجته بتكون عكسيه
الموده تصبح أسيه
ويزيد معاها
جرحى وجرحك
ياللى مستني أسامحك
مش هسامحك
(((أسامه جديانه)))
تعليقات
إرسال تعليق