الرضا.. بقلم الشاعر/د. رزق الحويط
الرضا
_______
ياللي مش راضي.....
لا بترزق و لا تراضي
ربك هو العاطي.......
ما بتخلص عطاياه
ليه مش راضين بحالنا....؟
و عنينا باصة لغيرنا؟
ليه نقول...............
اشمعني إحنا...........؟
و نطمع ف حاجة غيرنا؟
لازم نرضي بقدرنا........
نحلم و ف أحلامنا...
نحط ف حسبانا
أجمل أيام حياتنا......
يوم لسه ما عشناه
كلنا..................
ف الرزق متساوين
و ف الحظ متفاوتين
و اللي يخلينا نعيش......
و لبعض محتاجين
اللي أحبه ماتحبوش
و اللي أملكه ما تملكوش
لا انا و لا أنت متشابهين
و ف آخرتنا.............
ملناش إلا عملنا.....
و اللي قدمناه ف حياتنا
و يكون السعدا منا......
اللي عاشوا الحياة راضين
اللي عاشوا الحياة راضين.
بقلمي..رزق الحويط..في ٢١_١_٢٠٢٢
تعليقات
إرسال تعليق