عرس الشهيد.. بقلم الشاعر/مهدي خليل البزال

 عرس الشهيد .

مطرح ما كانوا عطّروا المطرح 

وتعتّقت ال حجار من دمَّاتهم .

كل ما مِشوا عا جلّ وِقعوا تدَّعفَروا 

بسّ الدُّعاء للحفظ من أُمّاتهم .

ولليوم عِطرُن عا الحَجر موجود

وقُطعة عليها الدََم من بدلاتهم .

رغم الألم والجرح وحكاية زمن 

ما تبدَّلت رغم الوجع ضِحكاتهم .

وهونيك عا طرف الجِرف مدفون 

بحقلِة ورد ومرج تكفّنت دَيّاتهم .

ما طالبوا حق الجُرح من الناس 

ولا طالبوا الدولة دفع دِيّاتهم .

هنّي اللي عَطيوا أغلى عطاء بيملكوه

وكان الدُّعاء والذِّكر من غلاّتهم .

كانوا يناموا بين أحضان الجرف 

ويشربوا زلال المي من خِلاّتهم .

والنّسم كم مرة حمل هَمسُن معو

ولمعة شعاع الشََمس عا وجناتهم .

 بالليل عم يتسابقوا بين الجبال 

ومفرش خدود الورد من ضِحكاتهم .

راحوا سوا روحن بقت هونيك 

واللّي استشهدوا ما ودَّعوا رفقاتهم .

والأم يا مى عا النّعش بكيت 

وكانت الزلغوطة محمّلة بآهاتهم .

وكلِّ الدِّني بتعرف عذاب المعركة 

وهول الحروب اللي مشبّعة بطلاّتهم .

وكلّ طفلة معلّقة ببّيا الشهيد 

بشهقة حنونة مخدّرة كلماتهم .

بعدو الجُرح ما طاب علّم مطرَحوا 

وبقيت البدلة مطعّمة بدمّاتهم .

هبّ الهوى نسمة خفيفة ملطَّفة

بتحمل معا من الحوض عطر جنّاتهم .

وعا وجه الصُّبح عم تحمل صلا

ممزوجة بحنين من كتر دعواتهم .

 الكلمة سحر مرقت عا وادي وكمّلت 

تا تنقل الضحكة بلغة همساتهم .

ما فيك تحسب دمعة الأم السخيّة

ما في وزن يوزن تقل دمعاتهم .

شعر مهدي خليل البزال .

ديوان الملائكة .

25/12/2022