رحرحي شعرك...بقلم الشاعر د.حسن الشوان السويسي
......... رحرحى شعرك .......
رحرحى شعرك على ضهرك
وغطيه بطرف شالك
مين يقدر على تُقل مهرك
وإبتسامتك وجمالك
والضليله جايه م شجرك
والطراوه فى ظلالك
وشايله بخفه الزلعه
ماشية ع طرف الترعه
رقتك كلها ذوق وروعه
نسمتها من دلالك
وانتى ف حضن الزرعه
اللى أزهرت مع جلبابك
وخضار الغيط ف عيونك
والعصافير عارفه أسمك
بتنادى تسبيلة عيوونك
وخفة طلعتك فى دمك
وأجمل رقة من حنينك
اللى بتفوح من ابوابك
بحب اشوفك وانتى طله
والشمس م ضحكتك هله
و رموشك أحلى ضله
بعشق نغماتها م رنينك
اللى بتصبرنى ع غيابك
....................................
.... د . حسن الشوان🇪🇬 .....
تعليقات
إرسال تعليق