بضحكة زي الشمس.. بقلم الشاعر/محمد المصري
بضحكة زي الشمس .
تشق الغيوم.
من ورا الضباب
وسط ليل اسود حزين
تبدو هناك الابتسامة
خلف الأشجار..خلف النخيل
والليل فارد جناحه
نجوم في السما تايهه
حتي القمر
اخدوا منه حتى جماله
وهناك حلم أسود حزين
كنت شفته من سنين
حلوة هناك علي جسر الطريق
جنب ترعه ميه ناشفة
بتستني الادان
والفجر من بعيد...من بعيد
طالل هو كمان حزين
سأل الصبية
الحلوة اللي هناك مستنية
ليه حزينة يا صبية
ليل...ظلمه ...سواد
والشمس هناك مستخبية
كان حلم..ضيع سنين من عمري
وانا هناك مستنية
شقشق فجر الصبحية
غني العصفور مواله
ضحكت الصبية
بددت الغيوم
غنت الزهور
فرحانة بشمس الصبحية
فرحت الصبية
ضحكت بضحكة زي الشمس
شقت الغيوم
واكتمل حلمها الجميل
********************
🎄محمد المصري🎄
تعليقات
إرسال تعليق