كفوف يديه.. بقلم الشاعر/د. دخيل العطيوي الثقفي
كفوف يديه
للشاعر دخيل العطيوي الثقفي
،،،،،، ،،،،،، ،،،،،،، ،،،،،،، ،،،،،، ،،،،،،،
سجل اسمك فالسما يوم السما لك عالي
خل هقواتك تسابق دم غيم وفيه
وإرسل النظرات وتعمد تكون قبالي
ربما مع نظرتك تقبض كفوف يديه
واجبري كسري وهو من قبل شيا غالي
خلها بيني وبينك .... ناعمه ورديه
والحياه المترفه والعز لو هو جالي
كان رديت النظر لك عاطفه محميه
ياصفا روحك ويا طيبك ويا عقبالي
التقي من وصفك المجنون ثوره حيه
ما جبر كسري وخلاني أعدك غالي
غير نظرتك الجميله بين غيم وفيه
غير ودي تعلمين ... إن الهوا ميالي
كم غصن حركه يابشويش ياعنديه
والعيون الي عليها الرمش صنع الوالي
كم حمى ذيك العيون الى بها حنيه
والزوايا المضلمه وأطراف ثوباً بالي
لو تمرر كفكم فيها أصبحت منقيه
الغلا ما بيننا والطيب قطفه حالي
لا تخلي نظرتك لي نظرة كيديه
تعليقات
إرسال تعليق