مسحراتي....بقلم الشاعر نبيل المصري
مسحراتى....
أبدأ كلامى ياحلوين
كل سنه وانتم طيبين
يعود علينا بخير
انا مسحراتى من بتوع زمان
ايام ماكان رمضان والفانوس البلدى
صنع بلدى
مش صنع تايوان
يلا قوم ياعم زغلول
هات بخمسه صاغ فول
وخلى ام العيال تولع الوابور
وتحمر شوية بطاطس
وانت ياعم شعبان
فينك من زمان
يلا قوم وصحى العيال
واعمل لى كباية شاى
انا اهو ع الباب جاى
يلا ياعم مرزوق فوق
ابعت لى بلحتين وشوية تين
ده انت كلك ذوق
اصحى يانايم وحد الدايم
رمضااااان كريييييم
والى اللقاء
نبيل المصرى
تعليقات
إرسال تعليق