الستات ذول نعمة اللي بيكرهها يعمى...بقلم الزجال عبد المنعم مرعي
فعلا الستات دول نعمة من نعم ربنا علينا
هما طبعا بدون كلام كتير دول قرة عنينا
فعاملوهم بالمعروف استوصوا ببهم خيرا
هاتكون عجينة باايدك وبينا بيهم راضينا
ياعم،،،،،،،،،،
الست ماتلقيش احسن منها في الدار
طول ماهي قاعدة جنبك تزغط كما الفار
ليه بقا ناكل وننكر ياعمنا ونعمل مشكلة
ام الولاد لوسمعتك هاتقوم وراك تجري
وبالبندقة تضربك وتدعي عليك تحتار
ياعم،،،،،،،،،،
الست الحكيمة استاذة ودكتورة في دارها
يسعد ويفرح بيها كل من قام راح و زارها
بنت الاصول والواجب في الادب مجدعة
حافظة مركزها كويس رافعة راسها رهانها
ياعم،،،،،،،،
انا معاك ان فيه ست اجارك الله من لسانها
بص شوف هي نايمة تعمل مشكلة لجيرنها
لو اتكلمت تشخط وتنطر فيك لولا الملامة
تقوم عليك تاكلك معلقة وشوكة بام سنانها
بقلم عبد المنعم مرعي
تعليقات
إرسال تعليق