مر وصبر وأمل...بقلم الشاعر صلاح شعبان
لو لاقيتني مره بضحك
تعرف إني من جوايا ببكي
وعمري ساكت مش بفضفض
ولا مرة رحت لحد أشكي
كاتم في قلبي حاجات كتيره
واخدها معايا جوه قلبي
عارف إن العمر منهي
ياسنين وعدت فيكي قسوه
فيك مر وعذاب بيكوي
دنيا عجيبة باللي فيها
تشوف حكاوي وغناوي ليها
وتضرب كف بكف عليها
واتعلم منها وأعيش
في صبري ....
ياصبر أخذت كتير من وقتي
أخذت مني كل عمري
وأقول بكره يادنيا تحلي
ألاقيني تايه ف اللي حاصلي
بس لسه بعيني شايف
بصيص ضى لنور بعييييييييد
جايب معاه الأمل عندي
بقلمي
صلاح شعبان الفيداوي
٢١/٢/٢٠٢٣
تعليقات
إرسال تعليق