يازين الصورة....بقلم المحجوب بو سبولة
اسمك محلاه مغناه كلمة
ياحبيب الامة زين البسمة
دكرك يالمحبوب سر ونغمة
صلى اعليك رب القدرة
يامول القبة ديك خضرة
بسماءك تحلى سر وجهرة
يازين الصورة زين لفعال
فاجي بمدحك سيدي لهوال
صلى عليك ف سما رب المتعال
دكرك مدحك شهد كل لسان
ومحبتك ياجميل سر الالحان
ياموصل لامتك سحر القرءان
لما يحضر خيالك نفرح
نسمع اسمك سيدي نمرح
داتنا بحضورك تسرح
لعطور بك فايحة في لوجود
يالخاثم يارسول رب المعبود
وتكون شفاعتك ف يوم مشهود
وصلاتك ماليها امثيل
ملي تدكر يشفى لعليل
انصلي عليك والعين تسيل
انت البسمة لكل من احضر
من صلى عليك وزاد سهر
في حضرتك امتك تتعطر
وشحال صلى ربي عليك
ياسيد الامة وخاد بيديك
يفرح من امن وكان قريب لك
بقلم صقر الحروف الزجال المحجوب بوسبولة
تعليقات
إرسال تعليق