في ناس.. بقلم الشاعر/عبدالله رجب أبو عدنان
في ناس بعدت قوي
وناس فاكرني انتهيت
ودنيا ما بتعمل حساب
غير للظاهر و القوي
ياما شوفنا جراح و آسيه
نجدف بدراعنا ودموعنا
وسبب وجعنا
ف ناس اتخدعنا
افتكرو المحبة على إنها أذية
أنا عمري ما اتعاليت على حد
وبحب كل الناس بجد
زرعت الورد
وما لقيت غير الشوك
والدموع اللي ف عنيا
كنتو مفكرينا ايه
فيه ايه تاني نبكي عليه
لنا عاجز و لا مجروح
خلاص ردت فيا الروح
الخيانة ف طبعي مش مسموح
ولا انتو عندكو دي حاجه عاديه
لو نفسك تعيش متهني
خد كل الناس ب الاحضان
يا صاحبي ليه بعتني
وجاي تعتب كمان
ياريت تبعد عني
سيبني أنا و الأحزان
مالكش مكان ف حياتي
كفاية عليا وجعي و آهاتي
سيبوني أرتاح شويه
نفسي ارتاح م الهموم
طول عمري من حبايبي مظلوم
ومن أقرب ناس كانو ليا
اتخدعت ف اخواتي وصحابي
دايما فاتح بابي
واتعودو الكلام ف غيابي
ودي مش مرجليه
الرجوله مش ب الباط و الدراع
ولا بالكدب والزيف و الخداع
ولا حتى بالكلام و السماع
الرجوله طبع متأصل فيا
نفسي ارتاح..
عبدالله رجب ابوعدنان
شاعر الغلابة
تعليقات
إرسال تعليق