سبحان من حد الحدود.. بقلم الشاعر/أسامة جديانه
سبحان من حد الحدود
في سورة المواريث
بعد الرحيل من الدنيا
وجب حق التوريث
كنت حارس عليه
طول عمرك عليه حريص
بعد موتك أصبح تركه
مفروض تقسم الحقوق
علم ولادك الحدود
بينها الخالق للمخلوق
إياك تجور فى الحق
لو كان نصف زاروق
حتى لو خيط في إبره
أو خيل مربوط في طوق
اللي يجور على الحق
يوم القيامه منطوق
يشهد عليك لسانك
ياللي ضيعت الحقوق
ماتقولش فلان معاه
وشكله مش محتاج حقه
هيا حدود ربك
هو عالم بخلقه
أصبحت عنده أمانه
هايحاسبه عليه ربه
هاتلف وتدور
ع الحق هتجور
بكره ينكشف المستور
والظلم يومها ظلمات
أزوّر بين السطور
وأجيب شهود الزور
المال ما نفعش صاحبه
لو كان يسد بحور
ولادك ها ياكلوا حرام
يبقى الدم بينهم بحور
ودا من فعل الشر
لما سرقت بكلمة زور
إلا حدود الله
ألا وقول الزور
(((أسامه جديانه)))
تعليقات
إرسال تعليق