هو وهي.. بقلم الشاعر/علاء هشام
علاء هشام
هو و هي
هو عايز يقول
هي رافضة الموضوع
هو يقول مش معقول
سنين بتروح
هو زعلان ومدايق
مش فاهم يعمل إيه
هي مش فارق معاها
حبها إزاي وليه
وليل العاشقين طويل
بيشيل جوا منوا سنين
هي بتنام من دون تفكير
وهو عقل بينزف حنين
هو بيكتبلها ليلاتي
هي بتترسم عليه يوماتي
هي عايزة واحد وارث
واد مخلص ومتقايف
هو يا عيني كل دروس الفقر خلص
علي كتافوا ديون باباه
والشقة إيجار
وإلي جاي باليمين رايح بالشمال
هو مش عارف يعمل إيه
هي مش فاكرة أصلا هو عاوز إيه
بص يابني الحب مش كفاية
قلبك ومشاعرك مش كفاية
عشان ترضي تكتب معاك الحكاية
هو كده
عرض وطلب
زي مناقصه
عندك إيه
تكسب قد إيه
حتقدم إيه
تسهر فين
ساكن فين
وياريت تكون إبن مين ومين
حشان تزود حضوضك
وتعلي مكتوبك
هي الحياة بقت كده
كلوا عايز أحسن حاجة
حتي لو كان ولا حاجة
تعليقات
إرسال تعليق