الودع..بقلم الشاعرة/الحاجة فاطمة أبو شاكر

 .....(((الودع)))....

ياضاربين الودع 

قولو لي بختي ايه

كل الناس شافت دلع

وانا مدلعتش ليه

طول العمر فى شقا

الراحة راحت فين

انا قلبي خلاص اتوجع

من اللي     جافوني

اقرا وقول ياودع

على فين تودوني

سنين عمرى انتهت

وبرضوا    لاموني

لاموني انا حبيت

وعلى الودع جاريت

علشان نشوف بختي

قالو لي عن حياتك

يله يابنتى احكي

احكي عن ايه ولا ايه

أحكى عن الحبيب 

اللي  من غيره عايش 

غريب

ولا عن الحياة اللىي

ماليا فيها نصيب 

قولي ياودع وخلص المطلوب

اللا كلامك بيجرح القلوب

قولىي وطمني بعد داكله ايه

((الحاجة فاطمة ابو شاكر))